神马文学网營運人生（２２） - - 陸羽仁 - 頭條日報 頭條網Blog City
来源：百度文库 编辑：神马文学网 时间：2024/04/28 23:57:20
感情問題我唔係太識俾意見，但可以講男女關係的物質基礎。我細細個時阿媽已經成日教我，「讀好?書，搵扮好工，儲埋個錢，否則貧賤夫妻百事哀。」當時細個唔明「貧賤夫妻百事哀」係點解，大過?見得多?，就開始明白，如果兩公婆經常搵朝唔得晚，家無恒產，在自己朋輩中相對貧窮，?種感覺絕對會破壞男女關係。
網友小潘對亨記的批評是對的，小潘話:「我係網上識左你好耐，還記得識你時仲係財困，但你承諾會搞返好，但轉下頭又見你話重蹈覆轍炒股輸錢。當初你話要將自己當一間公司咁經營，但結果3分鍾熱度。如果你真係當自己係經營公司，就要為你股東(即女友/家人)著想，想下點提高盈利，如果係一間公司老闆絕對唔會做做下停晒手腳，你唔食，你班工人都要食。所以，你真係有心做好間公司(自己)，就要決心捱過去啦。」
亨記都好接受到小潘的批評，佢有此回應，「小潘你說得對，我依家好似變左概念股咁，雖然不是存心騙股東(女友/家人)，但好像幾年了，都沒有盈利(不達到終極自標，但至少要有少少成績，好像還未有)……..大家講既野我都收到，陸sir說的我都收到。她有錯(或者可能都無錯)，不見得我哂。這次我要負大部分的責任，婆媽、無實際計劃、三分鐘熱度、不能接受批評、不懂social、不懂理財、眼高手低、不成熟、做野有時無厘頭唔知自己做咩、不懂輕重等等...講得好我是概念股，講得衰d我係賊股....我是否再沒有理由要女友無了期咁等？等多兩年結果我真的失敗了，我女友怎算好？？是否現在就放生女友讓她另找事業已成好男人？？我自己就水裏水裏去，火裏火裏去，搏哂老命去為事業打拼？她也說得對，她看不到我事業心重...和她一起，我在事業方面會分心...是否又另一不成熟的表現？？」
其他我唔知，亨記話同女友分手唔開心，走去博一舖(我估係買熊)，結果遇上升市輸埋5萬銀。錢唔係講玩，唔開心就去賭一舖，呢?就係典型唔成熟的表現，要戒。若果你唔輸呢5萬，可能20年後經過合理投資，可以變100萬。
老老實實，亨記你的現狀真係幾似一隻賊股，好多理想概念，未有一樣做得成。不如重新營運人生，徹底改變過去失敗的做法，正正經經搵份有固定收入的工作，業餘才買股，分開投機和投資，主要期望投資那一邊可以致富，儲番幾年錢，有番?恒產(樓或長的股票都係恒產)，到有經濟基礎時，始終會找到好伴侶，唔好成日空想發夢啦。
陸羽仁