營運人生(24) - - 陸羽仁 - 頭條日報 頭條網Blog City

来源:百度文库 编辑:神马文学网 时间:2024/07/25 08:07:02

網友Myself昨日問到一個做事的問題,佢話:「小弟朝朝返工搭地鐵,見到大部份返工既人,個個雙目無神,好唔願意返工,好似去打把,但又好無奈,因為要增加收入,陸sir你見既人多,想請教有冇人真係可以將工作變成娛樂,返工又賺到錢又happy架? ^^"」

 

Myself,我講個親身經歷你聽,20幾年前,我大學畢業後,揀?份我自己鐘意但以大學生標準收入唔高的工作,以社會眼光向是相當辛苦回報不高的工作。有一日,做?時巧遇一個大學師弟,佢剛好去我做?的場合示威,我心諗乜你唔係畢業,做乜唔搵?做日光日白走去示威?但我呢句話無講出口,只是心中納悶,呢個師弟高大威猛,聰明靚仔,如果佢搵工,都可能搵到好好的工作喎。

 

大家都在等緊,師弟好好奇咁問我:「師兄呀,你份工要咁死等,等得多唔悶咩?點解你搵份咁樣的工作去做?」我當時都唔知可以點答佢,答佢為理想,讀?行想做?行,好似好老土;答佢為人工,又真係答唔出,因為我當時已經係碩士,呢份工的人工真係只有其他工一半。結果虛應幾句,剛好他的示威對象出來,他跑了去示威,大家人生的交叉點就此終結。

 

  20幾年無見呢個師弟,但從同學的同學口中得知,佢做份份工都唔長,做一兩年就閃,當中好大段時間去?再讀書,估計佢係唔係幾鐘意做工?隻。還是那種感覺,覺得浪費了,以那個年代咁少大學生計,如果他踏實點去做,如今不難做到變打工皇帝啦。

 

Myself話「政府的目標係咩?增加就業?最好全民就業,而唔係幫你發達,政府同大有錢佬都唔需要我地識理財,只要大家乖,唔好亂,最好打一世工,點睇?」

 

  小市民打工上位,理財致富,的確唔係政府的目標,唔好靠政府。政府一好境,就唔想接受挑戰,所以中國明朝和日本的德川幕府時代,開始決定閉關鎖國,就係只想安安定定,安享太平,唔想接受挑戰,當然閉關閉得耐就搞到自己廢哂,這是後話。

 

  我講起那個有型靚仔師弟的例子,係有幾種總結。第一,人剛出來做?,最好搵自己有興趣的工去做,做3、5年已經知道自己在呢一行有無前途,若有前途,唔怕捱落去,可能會捱到一份又有興趣又有前途的工作。Myself問我「想請教有冇人真係可以將工作變成娛樂,返工又賺到錢又happy架?」我見過有?人真係可以達到呢種狀態,但佢地份工一開始時不是一般人以為的「舒服好工」,好多是後生時比較辛苦的工作,捱到上去才成為一般人都認同有前途的工作,若是大學生個個都想做的好工,即使考到,工作時隔籬左右都係叻人,要跑出都唔係咁易,一份好工做10幾年都差唔多時,就成為你所講的「地鐵行屍」啦。

 

    第二,三十過外,你在你個行有無前途都睇到七七八八啦,大部份人都唔會上到位,難免「雙目無神」,但有無諗過「我要保住呢份工」呢? 出少少力,做好現時的工作,都係一個目標,因為你唔想做,大把人想做。我十幾年前聽一個法國女子咁講,法國失業率十幾巴仙,佢做接待員,佢有一個最大優勢,就係每日都有幾十封信寫來自薦求職,佢就將申請做接待員的信全部掉哂,只將申請其他工作的信俾老闆睇。香港經濟漸入高原,再唔發展,恐怕過多十年,香港都有咁樣的一日。好多文職做?十幾、二十年都加到2萬元以上人工,你走?,老闆請個8000元新人就頂得順,世界係咁現實。

 

    第三,若你年過三十又有志氣,覺得現職大材小用,當然可以轉工一博,但風險相當大,要輸得起才好做,有家室的人就唔好亂試。

 

    第四,呢個欄講投資,做事無乜成就,投資可以好有成就,何不將投資當做你的第二春,人生要有追求,有目標,有追求,自然有活力,唔會雙目無神。搭地鐵份頭條日報睇陸羽仁個專欄,思考各行各業生意點做,留意乜?行業發?達暫時唔係咁多人知,買佢?股票,在投資中可以找到好多人生樂趣,你個腦用得多就會精明,人經常用腦,目光唔會呆滯。當你每日都諗住星期六日先至唔使做,可以消費玩樂,星期一要等5日,都好慘。若然你每日都只係諗住投資,唔使等星期六日,只係等機會,會快樂好多架。

 

陸羽仁

營運人生(24) - - 陸羽仁 - 頭條日報 頭條網Blog City 營運人生(21) - - 陸羽仁 - 頭條日報 頭條網Blog City 營運人生(20) - - 陸羽仁 - 頭條日報 頭條網Blog City 營運人生(19) - - 陸羽仁 - 頭條日報 頭條網Blog City 營運人生(18) - - 陸羽仁 - 頭條日報 頭條網Blog City 營運人生(17) - - 陸羽仁 - 頭條日報 頭條網Blog City 營運人生(16) - - 陸羽仁 - 頭條日報 頭條網Blog City 營運人生(15) - - 陸羽仁 - 頭條日報 頭條網Blog City 營運人生(14) - - 陸羽仁 - 頭條日報 頭條網Blog City 營運人生(13) - - 陸羽仁 - 頭條日報 頭條網Blog City 營運人生 (11) - - 陸羽仁 - 頭條日報 頭條網Blog City 營運人生(10) - - 陸羽仁 - 頭條日報 頭條網Blog City 營運人生(9) - - 陸羽仁 - 頭條日報 頭條網Blog City 營運人生(8) - - 陸羽仁 - 頭條日報 頭條網Blog City 營運人生(7) - - 陸羽仁 - 頭條日報 頭條網Blog City 營運人生(6) - - 陸羽仁 - 頭條日報 頭條網Blog City 營運人生(5) - - 陸羽仁 - 頭條日報 頭條網Blog City 營運人生(4) - - 陸羽仁 - 頭條日報 頭條網Blog City 營運人生(3) - - 陸羽仁 - 頭條日報 頭條網Blog City 營運人生(2) - - 陸羽仁 - 頭條日報 頭條網Blog City 營運人生(1) - - 陸羽仁 - 頭條日報 頭條網Blog City 營運人生(22) - - 陸羽仁 - 頭條日報 頭條網Blog City 營運人生(23) - - 陸羽仁 - 頭條日報 頭條網Blog City 營運人生(27) - - 陸羽仁 - 頭條日報 頭條網Blog City