神马文学网營運人生（１９） - - 陸羽仁 - 頭條日報 頭條網Blog City
来源：百度文库 编辑：神马文学网 时间：2024/04/28 22:31:39
主兩日講起「投資大學生」要搵10倍股，講呢個話題遇上跌市，又有個相關題材要講講，一隻股有可能升1倍、5倍、10倍，有咁o既上升潛力，正常?講，都有差唔多的下跌風險，道理好簡單，呢?可以倍升的股票，有咁大上升可能，皆因佢「新」，佢係新生意，成唔成功唔確定，係新公司無乜人識，就係因為佢新，可能未確定係寶，可能大家唔識寶，所以才有倍升的可能。但正因為佢咁「新」，可以大升，點解唔可以大跌呢?
答案當然係可以啦，有機會大升的股票，當然有機會大跌，散戶買入呢?股票，買貨時心中只是想著大升5、10倍時自己會幾發達，無想過佢跌三成、五成自己頂唔頂得順，咁就好難搞啦。我識得一隻而家已經係飛升股的公司老總，當年隻股未升時，佢經常埋怨市場唔識寶，話佢隻股好有潛質，有機會賺大錢，但一遇上跌市時，隻股插又插得特別深，佢都唔知點解。我話佢公司係借殼上市，上手有好多街貨沽到散哂，換?新公司後散戶了解不多，而佢手上的陳年舊貨成本又唔貴，所以一有跌市就沽，唔理公司好唔好。
我話要換腦思維，即使你當時換了呢個老總的腦袋去思維，佢對公司股價下跌亦都無能為力，因為公司生意雖然好，但要見到業績出來都係半年一年之後的事，遠水不能救近火也。
所以買入這些有潛質倍升的股票，要明白可以大升就可以大跌，要事先設想若大跌時如何自處，如何控制風險，最好的方式是控制注碼，只放小注下去，博到好開心，若咁黑買完即跌，即使唔止蝕，衰?都唔會輸得太入肉，咁守長?的能力就大?。控制了注碼可以長?，但遇到股份下跌，仍要問自己，買入它的基本因素有無改變，若有改變，照沽可也，基本因素無改變先至照。
另一個控制風險的方法是止蝕，事先已經定好，到跌一成或跌兩成就止蝕離場。以控制風險，止蝕之後，唔等如唔可以再買這隻股，但再買又是一個新交易，又要定新的止蝕位。你可能會問，每次跌1成就止蝕，跌得10次、8次，就無乜幾多錢剩? 當然係咁，你你若果經常要止蝕，就證明經常都選了錯誤的時機入市，或者係大貴高追，或者係稍跌就好心急去撈底，要檢討自己的錯誤，唔好不斷犯錯。
最後講多句，理論上10倍股唔係咁易搵得到，否則無理由一年只有20%左右回報的巴菲特會做得成股神。你諗，你而家有10萬，中一次10倍股變100萬，兩次變1000萬，餘此類推，中7次就變1萬億，一定係你做股神啦，仲輪到巴菲特。點解呢件事唔會發生? 第一係10倍股唔易搵，擺個局扮10倍股搵你笨的股票就好多，第二係即使你中得一次半次，但買這些股份風險都好高，好易將賺到的輸番哂俾佢。