營運人生(21) - - 陸羽仁 - 頭條日報 頭條網Blog City

来源:百度文库 编辑:神马文学网 时间:2024/03/04 12:28:15

早前講到26歲網友TKINGC的個案,佢為自己儲蓄唔多,為孩子的未來而擔心。佢睇完我俾佢的建議後咁回應:「依家我的目標唔係諗來緊點扮靚點憂心唔夠錢用...幾時退休... 我的目標係每個月要儲到1萬或以上, 要係一個時間儲到一筆數目資金, 要好好增值自己, 我的目標係開心的~ 因為我希望小朋友過得好d, 甘我就安心開心啦~~唔辛苦唔得世間財... 我就話唔辛苦過就見唔到彩虹... 一條屬於自己的彩虹 ^^ 謝謝陸sir~~ 媽咪無介紹錯(叫我睇呢個網誌)~~haha~~。」

 

見到TKINGC的積極回應,我都好開心,立時想起一個說法,「以生命影響生命」。早前見到一則新聞,有對年青父母有錢買煙,無錢買奶粉,活生生把三個月大的女兒餓死,看後令我唔開心了好一陣子,心中問「點解香港可以餓死人?」兩公婆餓死個女,全因佢地「闊佬懶理」,「hea」,否則既可申請多點綜援,甚至行落街擺個地攤去乞,香港人善心爆棚,佢地可以乞夠錢去買奶粉。唔好怪我唔客氣講句,呢?人生仔只是性愛快感的意外產品,搞完「闊佬懶理」,事後去搞掂的動力都無,才把女兒生出來,才留下一個短短三個月沒名沒姓的人間遺憾。所以一句話,若自己唔愛仔女,就唔好生啦。父母的暗黑生命,直接投影到兒女身上。

 

TKINGS咁生性,有心為仔女設想,「希望小朋友過得好?」,所以想努力儲錢,係一件好事。的而且確,在香港這個社會,有錢並非萬能,但無錢萬萬不能,最緊要自己有一定家財,人生才有選擇。例如我唔係幾贊成有理無理都送個仔女去外國讀書,但係如果佢中學畢業成績真係唔掂,在香港讀唔到大學,你到時有錢,仲可揀送唔送佢出國讀書,佢出去讀4年,平平地去澳洲、紐西蘭都要百幾萬,送唔送佢出去,等如用唔用錢去為佢買個前途,如果到時你連百幾萬都無,想揀都無得揀啦。

 

不過話得說回來,我始終覺得,養兒育女,父母的身教最重要,唔係有錢俾佢學十樣?讀名校就一定成功,我可以講講我自己的經驗。我7、8歲時,我媽媽講了一個故事給我聽,佢50年代來?香港幾年,在一間唐樓租一個床位住,那種環境應該差過而家的籠屋,因為佢的床位係最高?種,在天花板底下用木板造出來,吊在碌架床上格的頂上(即係第三層),好似一個盒仔咁,一個人都只是剛剛好。阿媽當時在製衣廠當車衣女工,收入僅可糊口,仲時時驚失業,所以阿媽成日叫我好天搵埋落雨柴,用錢要計數,有錢唔好使哂,恐怕我今天成日計數精打細算的觀念,應該從阿媽那處得來。

 

言歸正傳,阿媽話有一日晚上正想上床,發覺門口有哭聲,走出去睇,發覺頭房兩夫婦請的妹仔(即工人),坐在大門口喊,原來那時租一間房的已是富戶,那個富戶夫婦因為小小唔滿意把妹仔炒掉,叫佢即晚走,那個妹仔立刻無家可歸,諗住今晚要街,所以忍唔住喊起上來。阿媽話自己當時抵唔住頸,唔想呢個十幾歲的女仔街,就叫妹仔走埋去佢個床位一齊,結果兩個人一齊逼在一個3呎乖6呎的「木盒」中,轉身都轉唔到,就這樣住了很長時間,後來阿媽仲介紹那個妹仔去了自己間製衣廠打工,兩人成為好朋友。這種「歲月神偷」式的故事,就在50年代不斷發生。而阿媽咁窮都去幫人的故事,亦對我小小的心靈有好大影響,亦明白到只要肯捱肯博,點都會有出路。

 

我想告訴阿TKINGC,你努力工作儲蓄,你的生命亦會影響的你下一代,佢會學似你一樣,做一個「樂觀、積極、上進、開心」的人,唔會太「hea」。唔好覺得自己而家無乜錢好不幸,如果你好有錢,但對仔女闊佬懶理,對人頤指氣使,以為乜?都可以用錢搞掂,你估你?仔女大?又可以做?乜?人?什麼樣的父母,就有什麼樣的子女。這就是所謂「家教」。努力吧。

營運人生(21) - - 陸羽仁 - 頭條日報 頭條網Blog City 營運人生(20) - - 陸羽仁 - 頭條日報 頭條網Blog City 營運人生(19) - - 陸羽仁 - 頭條日報 頭條網Blog City 營運人生(18) - - 陸羽仁 - 頭條日報 頭條網Blog City 營運人生(17) - - 陸羽仁 - 頭條日報 頭條網Blog City 營運人生(16) - - 陸羽仁 - 頭條日報 頭條網Blog City 營運人生(15) - - 陸羽仁 - 頭條日報 頭條網Blog City 營運人生(14) - - 陸羽仁 - 頭條日報 頭條網Blog City 營運人生(13) - - 陸羽仁 - 頭條日報 頭條網Blog City 營運人生 (11) - - 陸羽仁 - 頭條日報 頭條網Blog City 營運人生(10) - - 陸羽仁 - 頭條日報 頭條網Blog City 營運人生(9) - - 陸羽仁 - 頭條日報 頭條網Blog City 營運人生(8) - - 陸羽仁 - 頭條日報 頭條網Blog City 營運人生(7) - - 陸羽仁 - 頭條日報 頭條網Blog City 營運人生(6) - - 陸羽仁 - 頭條日報 頭條網Blog City 營運人生(5) - - 陸羽仁 - 頭條日報 頭條網Blog City 營運人生(4) - - 陸羽仁 - 頭條日報 頭條網Blog City 營運人生(3) - - 陸羽仁 - 頭條日報 頭條網Blog City 營運人生(2) - - 陸羽仁 - 頭條日報 頭條網Blog City 營運人生(1) - - 陸羽仁 - 頭條日報 頭條網Blog City 營運人生(22) - - 陸羽仁 - 頭條日報 頭條網Blog City 營運人生(23) - - 陸羽仁 - 頭條日報 頭條網Blog City 營運人生(24) - - 陸羽仁 - 頭條日報 頭條網Blog City 營運人生(27) - - 陸羽仁 - 頭條日報 頭條網Blog City