神马文学网營運人生（１３） - - 陸羽仁 - 頭條日報 頭條網Blog City
来源：百度文库 编辑：神马文学网 时间：2024/04/25 11:40:42
但呢條漸進增長的數字成程式，一?都唔快，保證唔可以一朝發達，但亦不會永遠到不了站，當中的關鍵是每年10%回報的複式增長，過程中唔可以點輸錢，一輸得多，就會大大拖後目標實現的日子。
網友花大柑有一個留言值得注意，佢話:「陸sir:多謝你的營運人生系列，真的，對我這些30出頭，曾經係股市贏過大錢，之後輸突的人來說，是一個好大好大的警惕。輸的不單是金錢，而且更輸掉了黃金的十年。一切都還原基本，短短的幾年就好似發場夢(發達夢)，現在該是夢醒的時候！」
花大柑的經驗，相信也是不少爛炒網友的經驗，遠的不說，以07年為例，只要夠膽去買，真係盲俠都可以贏大錢，但殺紅了眼，又有多人能保持清醒，在適當時候離場呢? 10萬炒到變20萬，20萬變40萬，40萬變80萬，80萬變160萬........贏錢的快感可以留住所有人，感覺距離千萬富翁只是幾個月之遙，確實無乜邊個走得到，最後就一網打盡。好似花太柑咁講，最後還原基本，咁就唔見?10年的儲蓄，等如浪費?10年。
所以呢個積蓄加投資的計劃，投資的部份，要比較保守，要知道回報和風險成正比例，無乜可以在短期內倍升的投資，唔係存在相當的風險，所以呢個計劃只容許「投資的我」參加，唔「投機的我」玩，「投機的我」會認為，我炒隻股仔，咁係大升股，真係會成倍成倍咁上，你要求一年回報10%的回報，有乜味道呀，咁買法點會發達架? 的而且確，這種方法不可以一朝發達，但亦唔會一舖輸清，低回報，低風險是也。
我唔反對人投機，但認為要量力而為，一般人搵錢能力唔太高，唔係有太多條件輸錢，因為輸?大錢好耐都搵唔番，所以唔好身做「投機的我」，撥一部份錢，俾「投機的我」，細細注玩算啦。我會咁同「投機的我」講，既然你咁醒，買親??都成倍咁升，咁我都唔使俾太多本金你，反正你炒幾炒都可以搵到番。「投機的我」係唔係咁叻，試就知。
我建議呢個「投資的我」，既然目標係賺10%一年，低買高賣，升到10%可以離場，博佢升到咁上下會回吐，回番咁上下又可以再買過，博佢走多一轉，一年搵到20%都講唔定，有好的年頭，就可以補無咁好的年頭，因為一定有個別年份賺唔夠10%回報，但有好年頭拉上補下，最後都有10%的年均回報，不要睇少呢10%，股神巴菲特都唔係賺多好多咋。唔怕行得慢，只要能到站。
我覺得只要你做得10年、8年「投資的我」，對股份好有研究時，回報絕對可以多過10%好多，但這是練好武功的後話，功夫仔未得時，要投大錢，都係要保守?好。
(我外出未返，要下星期一才能回答網友提問，請諒。)
陸羽仁