2008-06-24

来源:百度文库 编辑:神马文学网 时间:2024/04/16 06:58:55
信報財經新聞 曹仁超2008-06-24 投資者日記 O仍高 美熊未完
6月23日,周一。恒生指數跌30.64,收22714.96;成交596.8億元。6月期指低水,跌50點,收22660點。中國鋁業(2600)跌5.7%,收9.73元。洛陽鉬業(3993)跌8.3%,收7.08元,大摩降低其評級。長城汽車(2333)跌6.9%,見5.65元。
航油提價航空股雪上加霜
花旗推介中化化肥(297),估計今年每股獲利32仙,升48.5%,O十八點二倍,目標價7.6元。亦推介中糧控股(606),估計今年每股獲利0.5元,上升53.9%,O十點七倍,目標價6.7元。
滬深三百指數低收,跌2.1%,收2789.94。金融股續跌,因央行表示將採取更嚴格嘅措施去抑制通脹,令招行、中國平安等股價下跌。中國鋁業亦因半年獲利可能減半而令股價大跌。銅價升至5月高點,今年內銅價上升27%,部分理由係美元滙價下跌6.3%。
摩通downgrade兗州煤業(1171),估計今年每股獲利1.06元,升61%,O十一點五倍,目標價14.6元,因政府6月19日起限制煤價至今年底。此外,摩通認為,大幅提升航空油價,對內地航空股係雪上加霜,對中國國航(753)、東航(670)及南方航空(1055)皆不利。其中影響最大係南方航空,因80%燃油來自內地;國航有關比例只佔50%,另外50%一早已係國際市價。
四川地震及今年削減黃金周假期嘅日子,皆不利澳門賭博業。5月份澳門旅客只升22%,約二百五十八萬七千一百四十七人次(中國旅客升30%)。來自內地嘅旅客中,42.5%係自由行,約佔六十五萬八千四百五十四人;升幅最大係東南亞旅客,上升64.5%;即日離開者佔總人數53.7%或一百三十八萬八千四百八十二人(大部分係港客)。上述情況對銀河娛樂(027)、新濠國際(200)及信德(242)皆不利,尤其賭業邊際利潤已因回佣太多而下降。過去三十天新濠股價跌27%、信德跌21%、銀娛跌6%。
7月1日起內地加電費4.86%,加上控制煤價,對電力股有利,令華能電力(902)、大唐發電(991)、華電國際(1071)、華潤電力(836)受惠,下半年業績看好。
零售油價加17%至25%,對中石化(386)較中石油(857)有利,摩通認為應睇好中石化而非中石油。
麥格理認為,中國政府容許電費及油價上升,代表政策上嘅改變,即接受較高CPI升幅,相信好快會放寬銀根。該行推介工商銀行(1398),目標價7.1元、中國銀行(3988)目標價5.4元、建設銀行(939)目標價8.7元;華潤置地(1109)目標價21.86元、合景泰富(1813)目標價9.1元、瑞安房地產(272)目標價10.1元、中國海外(688)目標價18.74元。
五窮、六絕、七翻身。我老曹亦希望國企、紅籌股响7月份能夠翻身。
台北《工商時報》報道,最快本周台灣會開放讓證券商可透過第三國分支機構投資大陸券商。外傳元大金控可能購買最多三分一大陸同業權,26日如獲行政院同意便可宣布,此乃繼富邦金控透過香港富邦銀行投資中國嘅另一家(如成事實嘅話)。台灣不乏資金,但苦無投資項目,如兩地開放,即台資可直接投資中國內地企業,亦容許中國內地企業投資台灣企業,就係典型win-win情況。國共之爭已係六十年前嘅事,真係阿爺嗰代嘅事。美國可以向越南開放、越南亦向美國開放,點解台灣同大陸之間仲係扭扭擰擰?到底點搞!
印度面臨雙赤危機
印度股市跌至十個月內最低,因油價上升,投資者從新興市場撤退。印度盧比滙價本季已下跌6.5%,瑞銀認為仍須進一步回落。雷曼兄弟估計,印度收支赤字將擴大到GDP 3%(2008年1.4%),情況有D似1991年,其後盧比响三年內回落42%。印度成為四金磚國中唯一貨幣回落嘅國家;反之,巴西雷阿爾今年升10.8%、中國人民幣升6.3%、俄羅斯盧布升4.2%。理由係巴西同俄羅斯都係石油或牛肉、咖啡嘅出口國,而中國去年外資盈餘2620億美元,手上外滙儲備16800億美元。印度去年外貿赤字134億美元,財政赤字已等於2007╱08年度GDP 9.1%(上年度6%),雙赤危機令市場擔心印度會繼越南之後……。德銀資產管理繼續拋售印度盧比,估計可見43.4兌1美元。
印度SENSEX今年已跌咗三分一,大摩估計年底可見13324點;如債券孳息率升上9厘,指數可見12355點;如因此令企業純利升幅少於9%,可見10000點。睇落印度股市將進入「幾麻煩」嘅時期。
從O角度睇,美股牛市2000年第一季結束,當年標普五百O高達三十倍。根據Vitality Katsenelson嘅著作Value Investing,佢認為每個熊市結束前O都會重返平均O以下。美股平均O只有十五點二倍,但家吓標普五百O仍高達二十一點八倍,即美股熊市未結束。
另一理論係,美國GDP平均每年以5.5%速度上升(包括通脹率在內),但1982至2006年美國國民財富卻以年率7.2%上升,由10萬億美元升上57萬億美元,因此有理由相信,2007年起有一大段日子美國國民財富增長率只有2.5%至3%(包括通脹),即美國進入低增長期。
1982年美國牛市開始嘅另一理由係當年O低至只有十倍。八十年代、九十年代企業獲利上升速度加快,但股價上升速度更快,令O上升。
2002年10月至07年股市及股價上升係基於企業純利上升,因此令O仍下降。展望未來,美國企業純利升幅減慢,加上O進一步下降,後市美股將加快回落。响下一個熊市結束期,標普五百指數O必須喺十五點二倍或以下【圖】。
冇600萬美元唔好輕言退休
畢非德精於選股而成為世界首富,今時今日能否繼續透過揀到一流股份、長線持有致富成疑。反之,鄧普頓今年已九十六歲,佢喺第二次世界大戰開始時購入十隻股份,每隻一百股,第二次世界大戰結束時,佢購入嘅股份其中三分一已破產,雖然係咁,佢整個投資組合仍升200%。其後佢成立鄧普頓基金,漸漸成為全球最大嘅基金,然後賣掉,只為自己投資。鄧普頓嘅投資理論好簡單,就係買入五年平均O較股市平均O低嘅股份,賺錢嘅留下,蝕本一、兩年嘅便賣掉(止蝕唔止賺)。最後鄧普頓基金成為全球最大基金。
你計劃退休咩?恭喜你。根據Medicare計算:六十五至八十歲呢段日子,响美國單係醫療開支費用便達22.5萬美元(175.5萬港元),而且未計日後通脹。上述開支閣下有冇計算在內?《巴隆氏》計算所得,退休後如要安享晚年,積蓄不能少於500萬美元(3900萬港元),最好係600萬美元(4680萬港元)。可以講,退休係幾昂貴嘅事!上述已經假設閣下到六十五歲才退休,如要提早退休,費用更大!當然,閣下未必真正需要500萬至600萬美元才退休,只係退休後必須慳儉一D,有病睇公家醫院唔好幫襯私家醫院,少去遊埠及唔好亂使錢。我老曹希望告誡年輕人,唔好郁D就話退休(除非你擁有600萬美元以上財產)。