神马文学网人生戰場（５） - - 陸羽仁 - 頭條日報 頭條網Blog City
来源：百度文库 编辑：神马文学网 时间：2024/05/01 11:16:35
網友Monica話，東南亞氣候溫暖，人都懶?，西北方氣候嚴寒，人就有奮鬥心。這是事實，唔係種族歧視，只是環境分析，現實上也有例外，星加坡處於赤道，但亦可以把人催谷成奮發上進。中國歷史有好多例子，環境可以影響整個歷史的進程，影響幾千年的文化。我地讀中學時中史科只求死背，不求甚解，但後來睇到美國歷史學者黃仁宇的《中國大歷史》，佢解釋歷史發展的成因，真有茅塞頓開之感。
黃仁宇講到中國地理上有「１５吋等雨線」，即係話每年降雨１５吋，這條線大約等如在中國地圖右上方（東三省）向左劃一條線斜斜地到西南部（雲南），在這條線之南，就是每年降雨多過１５吋的濕潤地區，即是傳統中原之地，這條線的北面，就是降雨少於１５吋的乾旱地方，即是關外之地。中原氣候較好，發展出安定的農耕社會; 關外乾涸苦寒，只能是遊牧民族聚居地。關外天氣唔好遊牧民族為求生存民風強悍，關內氣候好食好住好，人民變得柔弱。所以外族經常入侵中原，為的只是搶錢搶食物。中原人唔夠人好打，慢慢就有需要形成中央集權的國家，集中國力，倚多為勝，用人多錢多打外族人少。所以中國的氣候因素，差唔多解釋?幾千年歷史一半發展原因，可見環境的影響有幾深。
後生仔hea係死局，但性格形成?，就好難改，所以做父母的，自少就要培養子女靠自己唔好靠人的性格，唔好只係俾佢學英文、學琴棋書畫、讀名校、學做超人，但係平時自己和工人照顧佢照顧到加零一，佢只是按足家長規劃做事，完全唔獨立。但由於好似用?腦其實唔使用腦，所以不知不覺間變成漫無目的之人。
歷史發展所見，舒服的環境，只會消磨人的意志。做家長的，在細路仔細細個時要為小朋友製造一個將來要應付困難的預期，等佢地有應付困難的準備。要向他們傳播一個理念，你將來唔做?，就無飯食，你無能力，預備街乞食，唔好以為政府可以發綜援養你。做?交稅人少，白食的人多，到時政府破產，你就要食自己。仔女無正確的人生觀，只識hea，父母留下1億俾佢，佢未夠40歲都可以花光。記住10年河東，10年河西，花無百日紅呀，香港今日咁好，20年後大陸可以好過香港。
正如網友Goal所講，「看到現在的年青人，真的有點看不下去。本人F6開始替人補習，20多?出來工作後，幫家人供房子。結婚後，自己的房子差不多供完。從不靠人（包括伴侶）（也自信永遠不需要靠人），財務獨立，日子過得很自由自在。喜歡做自己，喜歡做自己喜歡的事，一定要財務獨立。有閒錢時幫人，無錢時也可以幫人。要先苦後甜，抑或永遠遵從阿爸阿媽支笛（唔係話阿爸阿媽錯），由他人支配自己的人生，自己選擇。千祈唔好賴政府唔照顧你。」
正如Goal所講，財務自由靠自己，例如買樓，上一代買樓多數靠自己死慳死抵少消費打兩份工搵番來。現代年青人旅行多，一年去兩次日本，男女兩個人都唔見4、5萬，再加其他使費，唔花呢?錢4、5年夠俾間細樓首期。你可能話，而家?樓郁300、400萬一間，唔花都唔夠錢。我總覺得樓市有週期，而家走緊去週期頂部，儲埋都唔夠錢買樓，咪唔好買住，等到樓價跌番落來，自己夠錢時才買。
我的理念是靠自己，唔好靠政府，愈依賴政府，愈會跌向社會的底層。我地教自己、教仔女，都要有呢種自強自立的精神，才可以在人生戰場中生存發展，老豆係邊個，在邊間學校畢業，反而係次要。
陸羽仁