神马文学网營運人生（２６） - - 陸羽仁 - 頭條日報 頭條網Blog City
来源：百度文库 编辑：神马文学网 时间：2024/04/30 03:12:40
「所以我而家決定佐無論幾辛苦我都要出部車，但係要出車既話就肯定要?份工做。甘我將會有兩個選擇, 1. 一路讀書一路做part time (兼職) 2.暫時唔讀書，做兩份工..一份sales(售貨員)，一份夜晚?d bar(酒吧)度做。我同我屋企人講過依兩個選擇，我也都計過條數，行呢兩條唔同的路，當我30歲果時會有咩唔同結果，按條數計就係我唔讀書做野既話30歲果時，仲有好d既結果。」
「但係我屋企人點都覺得讀完大學先，話我唔讀大學的話，我的知識係唔夠用，同埋有個degree?野做都有保證。但係我就覺得大學degree有係好，但係無，也都唔係唔得...因為我由細到大都唸住大個做生意，我係好唔鐘意幫人打工既人，我自己做生意的話根本唔需要個degree。我好enjoy自己做生意?到錢甚至係大錢既成功感，我也都唔想做一個普通人，幫人打工每日過住差唔多一樣既日子就甘就一世。我願意去take risk(冒險)做生意就算係失敗，就算係失敗?，我無大學degree(學位)，一樣可以去做移民consultant(顧問)，地產經紀等等，一樣過到依d普通人生活。」
後生仔走到人生交叉點，唔止買唔買車，甚至係提早做?抑或繼續讀大學，或者打工抑或創業，都有好多疑問，多問多想，比不問不想好好多。
Denlee計出做兼職買車或退學打兩份工買車的不同金錢後果，計出退學賺錢多?，我諗呢個唔係咁簡單計一條數的問題，而係人生路線問題，假設法例容許細路仔6歲開始打工，你計俾我睇我個仔讀完幼稚園唔讀書，小學、中學、大學都唔讀，到22歲時，佢打?16年工，賺的錢一定比讀書那個多一樣，條數不說自明，但我的問題是:人生係一個長跑，咁跑下去到60歲時邊個賺得多?，邊個賺得舒服?? 呢條數唔易計。
逐個問題講，首先講買車。千金難買少年窮，當你覺得無車好慘，我就睇到那些阿爸一早俾架BMW佢的後生仔好慘，佢地一切都得來太易，仲邊度有動機去爭取? 做?的成功人士，打工又好，搞生意又好，邊個唔面對過成百上千的難關，你窮過，明白無得輸，輸?要捱窮，只能捱下去。但那個十幾歲就BMW的少爺仔(唔好介意我咁講，父母照顧得太好，令好多後生仔變成少爺小姐)，遇到困難，會講句「咁辛苦為乜?」就咁就撤退，這種性格EQ，又點會贏？
我唔反對你買車，做兼職買車都得，你做過工捱過，就知搵錢艱難，我不少外國朋友仔女去老麥做暑期工，做完個個返學時都勤力?，因為做麥當奴要洗廁所，個個後生仔洗完都想作嘔，唔似佢地以前食老麥時感覺咁開心。
我反對你退學。一般人好易犯上一個邏輯錯誤，會認為李嘉誠、蓋茨都無讀過大學，所以讀大學無用啦，又或者鄧小平都煙駁煙都活到80幾，所以食煙無問題啦。大家要記住，呢?係例外，唔係典型，即係大多數人唔讀大學的人長線事業前景都會差?，大多數人食煙健康會差?，唔好住少數例外就當典型。而且按我自己的經驗，大學並非只是一個學位，一張沙紙。在一間好大學讀書，搵的好老師，學佢地的思考方法，可以幫你學到點解決問題，如果你無呢種感覺，你又係唔係無俾心機求學，如入寶山空手回呢? 按自己的經驗，在大學學到好多求知識解決問題的方法，令自己有一種能力，以後唔一定要找老師，都可以靠自己為各種問題找到答案，終生受用不盡。 UBC係一間好大學，但你21歲讀一年班，已經略遲，不要諗退學，要諗追番失去的光陰。
創業不容易。如果你唔係有一種人無你有技術，創業一?都唔易，我有個朋友叫我同佢個仔傾，個仔讀完書唔想打工，覺得創業做老闆自由自在，覺得創業好易成功。我都係做?好耐生意的人，同佢一傾，發覺佢個仔對做生意完全係面外漢，成日想做好?，做靚?，唔識計成本，唔知對手係乜水，唔知道若唔成功自己有的錢可以捱幾耐，唔知道若成功吸引?一大班人來同自己競爭又企唔企得住，最重要係無計唔做?去創業仲要蝕錢損失的機會成本有幾多。佢乜都唔知，比較盲動。我同佢傾完，俾佢一個建議，叫佢在想從事的行業的成功機構中，打三年工，學人地成本的秘訣，先至諗自己去做啦，我對你的建議都係一樣。我同期的大學同學，創業無個成功，但打工成功大有人在，結論係打工成功易過創業成功。
唔好咁輕鬆話唔讀書、創業失敗可以做乜做乜。你搞一輪到30歲後，才去?無學歷要求的行業，競爭力已比20歲入行的人差，可能做那些行業都無大成就。當年20年後見到當年UBC的同學，當上各行各業的高職，住靚樓靚車，佢買大屋，你仲做緊經紀仔去服待佢時，個種味道唔易頂架。小心諗清楚，小心部署如何營運自己的人生，唔好為架車退學呀。