2008-11-12

信報財經新聞 曹仁超2008-11-12 投資者日記 刺激经济方案杯水车薪

　　花旗推介中国海外（688），估计今年每股获利7角，升23.7％，P/E十四点三倍，目标价16.08元；冠君产业（2778）估计今年每股获利11仙，减少90.2％，P/E十五点三倍，目标价2.54元；骏威汽车（203）估计今年每股获利28.4仙，减少1.5％，P/E五点四倍，目标价2.1元；远洋地产（3377）估计今年每股获利36.2仙，减少33.7％，P/E六点一倍，目标价5.39元。

今次好难复苏

　　4万亿元人民币刺激方案令沪深三百指数只上升一天，今天又回落1.13％，收1781.36。中国10月份出口只上升19.2％（9月上升21.5％），入口上升15.6％，外贸盈余上升，至352亿美元，因原材料跌价及入口需求下降。

　　拉斯韦加斯金沙集团计划集资21.4亿美元，宣布暂停澳门威尼斯人赌场扩建，另计划向一中资银行借入7亿美元作为兴建上述项目。截至6月止，该公司负债资产比率达80％危险水平，停牌前股价再跌6.3％，收报7.5美元，较去年最高价回落92％。呢场豪赌原来最大输家系赌场。

　　1997年7月2日亚洲金融风暴，当时MSCI指数304.8至1998年9月1日低潮MSCI指数124.8，跌幅59.1％，共三百零四个交易天；当年P/E下跌至九点四倍。今天面对全球金融海啸，亚洲区情况应该唔会较1997／98年嗰次差。一嚟风暴唔喺亚洲而喺北美洲；加上中国及印度经济已冒起，令亚太区对北美洲同欧洲依赖唔及当年咁大，因此宜趁低吸纳。呢个系摩根士丹利公司嘅分析，各位点睇？

　　全球衍生产品泡沫爆破，去年10月前喺本港大量出售嘅Accumulators，包括股票、外汇同商品，杀伤力逐渐浮现。Synthetic CDO被包装成高息债券，透过银行及保险公司出售畀投资者（部分银行及保险公司自己都有购买）．所引发嘅杀伤力亦好大（呢D债券唔系只有雷曼迷你债券）。对港人财富所带嚟嘅破坏唔会较1997／98年亚洲金融风暴细。

　　仲有日圆利差交易，当全球其它货币皆走向零利率时代，资金回流日本及美国所产生嘅威力亦好大。
AIG、房利美、房贷美、通用汽车及美国政府能否无止境地提供信贷而唔使付出代价？今年第四季财政部计划借出5500亿美元，明年第一季3600亿美元（仍在上升中）。

　　一个月票据与三十年债券利息差在拉阔，两年同十年债券息差高达2.47厘，过去只响1992及2002年出现过，两次都响经济衰退快结束期因短期利率急跌结果；呢次唔同，却系十年期利率上升结果，因担心政府发债去支付bail out。

　　2003年8月两年期债券与十年期债券利率高出2.74厘，理由系联储局刚完成十三次减息，投资者估计复苏而大量借入两年期债券作投资之用。不过，呢次今年第三季GDP收缩0.3%（彭博估计，第四季GDP将收缩0.8%）；高盛证券估计，明年美国GDP将收缩2%，假设未来十八个月喺经济复苏环境下，令两年期债券利率降至1.33厘，十年期债券却升上3.83厘。即系代表信贷收紧，财赤上升，分析界首次猜测零利率喺美国出现，经济进一步向下。

　　呢个形势对奥巴马上任不利，估计佢上任后，明年美国经济将进一步恶化，资产负债表衰退继续，美国呢次面对嘅唔系一次普通性周期衰退，而系一次资产负债表衰退，情况同九十年代嘅日本接近，因为金融机构失去太多资本而收缩信贷，呢个衰退很难复苏。

金价650美元有支持

　　好多人都唔信会出现通缩，美国只喺1929至33年曾出现过，因消费减少令价格下跌。今年10月通用汽车销售减少45％，丰田汽车喺美国销售亦减少26％，10月份美国因就业人口减少二十四万（连续十个月回落）人会唔会引发美国通缩？第二次世界大战后，美国每次衰退，政府便大印钞票，战后一代从来唔知咩系通缩？只有日本人同港人喺1990及97年后先真正经历过CPI负增长，美国人就从来未经历过真正嘅通缩。

　　油价今年由150美元急跌至60美元、铜价由6月时每吨8900美元跌至3800美元及铝价由每吨3000美元跌至1900美元；再加上减债及失业率高企，甚至喺政府大印钞票下，明年美国CPI出现负增长机会好大。

　　美国明年将获一位新总统去处理老问题，不幸嘅现实系大气候与小气候，不会因人嘅主观愿望而改变。去年10月至今唔知几多次投资者希望寻底，但一次又一次底部失守；家吓道指最低系今年10月10日7882点，并在此形成上升三角形。最终能否建立底部而上升定系经一个多月上落市后，失守7882点？要事后才知道。

　　金价已回落前升幅50％，喺640至650美元之间有强大支持，除非回落前升幅61.8％才可见550美元。我老曹倾向相信喺640至650美元守住，因为美国政府正进入1万亿美元财政赤字期（甚至上升到1.4万亿美元财赤）。过去投资银行杠杆比率达到1比40，即每100元投资中只要出现2.5元损失，投资银行便失去全部股东资金。2007至08年投资银行点止每100元投资损失2.5元？纽约市长彭博估计，未来有十四万金融从业员失业。工业亦唔见得好，10月份通用汽车销售额下降45％、福特下降30％、日本本田汽车下降25％及丰田下降23％。美国三大车厂要求政府注资250亿美元，唔系就宣布破产。FedEx及DHL已齐齐宣布减少喺美国嘅业务而裁员九千五百人，理由系呢D业务一直处于亏损状态。德银指出，通用汽车及福特汽车股价真正价值接近零，如政府肯注资则每股约值1美元。10月份美国失业率6.5％系1994年以嚟最差，估计明年可上升到9％（1981／82年美国失业率达11％）。

　　早几个月前，美国政府决定注资挽救AIG，本周二公布所需资金1525亿美元（分析家指出仲未够）。新挽救方案包括财政部认购400亿美元AIG优先股及提供600亿美元贷款。房利美刚公布第三季蚀咗290亿美元，要求财政部年底前再注资。截至9月30日止，资产净值只有94亿美元（7月1日414亿美元），如政府唔注资，年底将陷入负资产。周一收报72美仙（去年11月14日47.82美元）；房贷美周一收报88美仙（去年11月14日44.19美元），短期内公布第三季业绩，估计亦要财政部再注资。房利美手上未售出接管返嚟嘅物业共六万七千五百一十九间（三个月前五万四千一百七十三间），你说怎么办？

　　中国政府上周末宣布4万亿元人民币刺激经济方案（相等于2006年16％ GDP）；再加上宽松货币政策支持2009及2010年中国GDP保持8％增长。中国希望以内需代替出口，成功与否，木宰羊。长久以嚟中国一直推行国富民穷政策，点样扩大内需？4万亿元人民币听落好似好多，喺美国只系挽救一间AIG已动用1850亿美元（1.3万亿元人民币）；再加上房利美同房贷美已相等于4万亿元人民币。换言之，中国刺激经济方案真系杯水车薪而已；请唔好再相信Decouples论，因为全球经济早已一体化。波罗的海干货轮指数更吓人，一下子便跌至829点，即三个月内下跌93％。

三方法避免自我毁灭

　　摩根士丹利CEO麦克接受CNBC访问时承认过去嘅杠杆比率系31比1，家吓已降至20比1，但唔少欧洲大金融机构仍然处于40比1；换言之，去杠杆化早已成为不可阻止嘅大趋势。

　　格蛇上周五喺多伦多午餐例会上表示，世界经济已进入严重衰退，美国GDP喺今年第四季将明显下跌！美国楼价喺见底前再跌5%至10％，估计最快明年上半年才见底。过去习惯经济见底后便复苏，但佢唔肯定呢次经济见底后立即复苏；可能牛皮一段日子后又再回落，但佢唔打算再预测，因为喺呢方面一无所知。

　　作为投资者应避免走上自我毁灭之路，其中包括：一、明白呢次危机系无可避免，系必然会发生，问题只系迟与早；二、唔好估底。估底系失败投资者游戏，成功投资者唔会参加。短期超卖必然出现反弹，博到又点；三、要有耐性。通常熊市较估计中长，千祈唔好感情用事。喺金融海啸中，人们会抛售一切可变钱嘅项目。

投资者一动不如一静

　　金融海啸嘅威力由9月15日开始横扫全球，各国政府互相合作欲挽狂澜。政府嘅能力相较金融海啸威力，就好似怒海中一叶轻舟，完全唔受控制。股市、汇价及商品价格波幅之大，我老曹一生未经历过。一位揸帆船老手（唔系练乙铮先生）同我老曹讲，驶帆船出海，如遇上顺风顺水真系一种享受；一旦惊涛骇浪，根本上无法控制嗰艘帆船，执番条命都算你好彩。家吓D投资者如喺怒海中行走嘅帆船，一样系咁无助。请唔好喺咁极端嘅情况下作任何决定，因为你唔系股圣毕非德。股圣嗰艘系巨型航空母舰，你只喺揸只小帆船。小心大部分金钱喺博反弹中冇咗。过去嘅数字证明，一般人预测股市成绩往往较风水佬睇流年更差，如你仍相信预测，不如搵苏民峰好过。

　　有台湾经营之神之称嘅王永庆死后留畀子女一封信，佢认为，财富虽然系每个人都喜欢嘅东西，但它并非与生俱来，亦唔系任何人可带走嘅东西。它系人经过努力后可能累积或多或少嘅财富。生命终结时只有归还社会，无人可以例外。我地应视财富为上天嘅托付，必需妥善管理及支配，因为冇人可真正拥有它。

　　王永庆出身贫困家庭，经努力后有所成。佢对社会作出实质嘅贡献，而认为不枉此生；佢希望子女亦能充分了解财富真正意义，为企业而努力经营及造福社会，不忘奉献而唔系只以私利为追求目标，才能有宏伟嘅见识及胸襟，发挥智慧力量而不负生命嘅意义。

　　呢几个月嚟，我老曹最大嘅感动系喺金融海啸中，相信读者们亦面对唔多唔少嘅损失，但大家仍关心农家女技术训练学校。有D更透过我老曹嘅秘书美宝小姐取得农家女内地银行户口直接汇款往北京；有D信赖我老曹，把善款存入个人支票户口，因我老曹另一笔嚟自天地图书公司版税（即前五本着作，仍有销路），12月收到后，连同各位呢几个月内嘅捐款，一齐汇上以节省汇费。捐款有大至10万元（早已代汇上），亦有小至200元；一切随心。能够捐助10万元嘅读者们，恭喜你，呢D代表你有能力，愿上天祝福你同你嘅家人；至于捐助200元者，更加祝福你，可能你自己生活仍未到丰足阶段，但已开始关心较自己不幸嘅人。呢颗善心日后必获得报酬。我老曹出版嘅新书《论性》，便是深入探讨性格对投资成败嘅影响。上周五嚟自农家女学校校长嘅好消息，今年创校十周年筹款活动中，获善款共50万元人民币，其中唔少嚟自港澳同胞嘅汇款。认真多谢各位支持。每个国家及民族，都有自己独特嘅哀伤，亦有自己美丽嘅一面。过去百年历史，中华民族哀伤事多，美丽事少；作为港澳人士，我地冇能力减少中华民族过去嘅哀伤，却有能力为佢加添一分美丽。几十年嚟，港澳人士为祖国所提供嘅各式各样捐款，正好为中华民族哀伤嘅面孔添上一分美丽嘅笑容，令国内贫穷人士破涕为笑。呢D亦系王永庆先生嘅遗愿。