神马文学网結婚買樓乃人生最大風險
来源：百度文库 编辑：神马文学网 时间：2024/04/27 21:20:21
曹仁超
好多人唔明白風險與回報的關係。其實，人生最大風險係：一、結婚；二、買樓；三、自己做生意。反之，風險最細係揀股，因為揀錯股份後損失15％可以止蝕賣出去，損失受局限。反之，買樓時做錯決定（由於大部分收入作供樓），再將它賣出去可以損失慘重，而結錯婚更加係一生一世。但大部分人唔視結婚為高風險行為，亦唔認為買樓涉及很大風險；反之，投資股票卻視為高風險，真是奇哉怪也！其實，只要事前做足功課，投資股票絕對係低風險項目，起碼較結婚、買樓或自己做生意風險低許多。
投資股票係低風險項目
投資股票最冇用係睇走勢，最有用係先了解行業周期。如果連一個行業周期都唔了解而貿然投資，又怪得誰？例如1997年至2003年投資地產股，連呢六年本港房地產進入行業周期低潮都唔知，成績又點會好。例如2001年至2006年投資資源股，成績差極有個譜。走勢只對短期股價有影響，對長期分析往往幫倒忙（幾多人因為RSI高而賣出廣船〔317〕，事後發現股價再升十倍？），做一位成功投資者必須學習價值投資法。我老曹同森池兄都係價值投資法信徒，明白乜?係價值投資法後，再利用走勢去配合。冇價值投資法做基礎，只識走勢分析有如花拳秀腿（睇得唔打得）。了解一個行業盛衰周期後，必須學習睇上市公司年報，由一個小股東角度去了解上市公司做緊乜？最後才係學睇走勢。目前大部分人只懂走勢，唔識財務分析，更加唔知行業周期。至於風險管理更係一塌糊塗，例如啤打系數（Beta）係乜？許多散戶聽都未聽過，點賺到大錢？今時唔同往日，股票市場愈來愈細分工，如非深入了解者小心求證，賺錢機會有幾大？ 〔摘編自2007年6月19日信報財經新聞〕
好多人唔明白風險與回報的關係。其實，人生最大風險係：一、結婚；二、買樓；三、自己做生意。反之，風險最細係揀股，因為揀錯股份後損失15％可以止蝕賣出去，損失受局限。反之，買樓時做錯決定（由於大部分收入作供樓），再將它賣出去可以損失慘重，而結錯婚更加係一生一世。但大部分人唔視結婚為高風險行為，亦唔認為買樓涉及很大風險；反之，投資股票卻視為高風險，真是奇哉怪也！其實，只要事前做足功課，投資股票絕對係低風險項目，起碼較結婚、買樓或自己做生意風險低許多。
投資股票係低風險項目
投資股票最冇用係睇走勢，最有用係先了解行業周期。如果連一個行業周期都唔了解而貿然投資，又怪得誰？例如1997年至2003年投資地產股，連呢六年本港房地產進入行業周期低潮都唔知，成績又點會好。例如2001年至2006年投資資源股，成績差極有個譜。走勢只對短期股價有影響，對長期分析往往幫倒忙（幾多人因為RSI高而賣出廣船〔317〕，事後發現股價再升十倍？），做一位成功投資者必須學習價值投資法。我老曹同森池兄都係價值投資法信徒，明白乜?係價值投資法後，再利用走勢去配合。冇價值投資法做基礎，只識走勢分析有如花拳秀腿（睇得唔打得）。了解一個行業盛衰周期後，必須學習睇上市公司年報，由一個小股東角度去了解上市公司做緊乜？最後才係學睇走勢。目前大部分人只懂走勢，唔識財務分析，更加唔知行業周期。至於風險管理更係一塌糊塗，例如啤打系數（Beta）係乜？許多散戶聽都未聽過，點賺到大錢？今時唔同往日，股票市場愈來愈細分工，如非深入了解者小心求證，賺錢機會有幾大？ 〔摘編自2007年6月19日信報財經新聞〕